Boorn & Boerschop 2006-02:’t OALDSTE TRAPVEELD VAN BOORN

Auteur: Johan Kwast

Biej ‘t oetveanten van “BOORN en BOERSCHOP”, mos ik ok an ‘n Beeminksweg wean en zodöanig kwam ik wier langs dat trapveeld. ‘t Lig d’r nog net zo as vuur ne kleane 65 joar; tusken de stroat en ‘n spoordiek. ‘n Mini, mini veeld, mear al joaren noe met echte goolpöale. ‘k Stappen van de fietse of en leut miene gedachten wierum goan noar de tied van toen.

‘t Was ‘t iegen veeld van “‘n Beeminksweg”. De jongs van Leushoes, Kooiker, Groot Zevert, Oink, Gaanzeboom en zo nog ‘n stuk of wat, lellen doar tegen nen versletten tennisbal an.’t Deankbeeldige kornepöalke lag nog gin tien meter van de gool, dee in dee tied bestun oet ‘n stuk of wat jeskes.

Afb. 01: ‘t Trapveeld an ‘n Beerninksweg

De grootte van de gool wöddenbepoald duur de moat van ’t veeld; met ‘n twee meter ha-j ’t wal had. Meestal was ’t spöllen met “vliegende kieper”, zodat ’n kloeten bene nog groter wödden; want “woar ’n bal is, bint de jongs”, mear loat hen. D’r kwammen as vanzölf angepaste spölregels. ’n Kieper moch nich “oawer de helfte” oetscheten; as-j d’r nich biej kon, dan was ’t al gauw “zit nich, ’n bal was te hooge”. D’r wödden ok bepoald, “achteroet spöllen en- an-boetenspel; doar-deo-w nich: an”… “Dree-moal korne :pengeltie??; … zoargen vuur: de meeste-gools. Nen vriejen trap wödden meestal of doan met “t ‘was aneschöten hens”. “Achterbal” en ’n bal ophalen, gaf effen wat röst. Nog zo wat; ’n pengeltiestip wödden “ofpast”, halverwege, was “dreaien” of “ruilen”, en as de lol d’r of was
of ‘t ettenstied wödden, was de petiej oflopen.

In Boom ha-j nog meer van de “stroatklups”, dee zo of en too tegen mekaar ne petiej “annammen”. “De Bleek”, “De Hengelose- en de Grotestroat”, “‘n Ennekerdiek”, “De Rooie Lap”, “De Pletteriej”, ‘”t Kleigat”, “‘n P.H.weg” en “De Keamp”, scheet miej nog zo wier duur ‘n kop. Wiej, “De Zwaluwen”, jongs van de Almelosestroat en umtrek, wiej spöllen op ‘”t tweede Boomveeld” an ‘n Möllenkaampsweg”.
Oawend an oawend schoppen groot en klean doar, tot ‘t duuster was, tegen nen bal an. Meestal dea-w petiejkes oonder mekaar; wiej haddenjoa “man zat”. ‘t Gun wal met “ofpassen en petiejkiezen”. Dat oale “Boomveeld” is al lang vot en met al den bouw kö-j hoast nich meer an.gewen woar ‘t noe precies leagen hef.

En dan nich te vergetten ‘t treffen van “De Groten”, ‘”t Eerste”, tegen de potige jongs van ‘”n Es”. Voetbal zat d’r nich völ an, mear zee hadden nen leren “binnen- en boetenbal”; dat weug, letterlijk en. figuurlijk. Nen bal met ‘”n titje en nen leren veter”; loodzwoar. Den “angenömmen wedstrie.d” gung dan oawer ‘t hele veeld; dan mos ie “em slim halen”, dat mo­
j. ‘t Gun d’r dan harre an too. Mear ‘t plearen <loeren meestal nich zoo heel lang. ‘t Was nog wal rap ‘n moal ‘nnul of tien. Dat ‘”n Es ‘”t an de ntten kreeg was duudelijk, en doar konnen zee nich tegen. Zoonder oawerleg sleut ‘n grootsten ‘n bal oonder ‘n aarm en trok de hele koppel wierum op “‘t Oale Zeekenhoes” an. Eande wedstried.

An-’n-Beerninksweg-wödt-nod-altied-spölt. Dejongs-hoowt-nichrmeerbang-te-wean“vuur nen” leren veter. Met dee plastieken balle van rechtevoort geet ’t ok völ better. “3 Moal korne pengeltie” is ok oet de tied. Plezeer hebt de jongs nog wal, en doar geet °t um. Mien deanken geet efkes met miej an ’n löp. “Zol dat historische “mini, mini trapveeld” an ’n Beerninksweg wat wean vuur de beschearmde Boornse Monumentenliest”? Nen auto glidt miej aardig kot langs de hoed hen. “Dreumen in de tied” wödt geveurlijk. Ik stap op. De gedachten mear wier “Biej de weg”, dat liekt miej better.

Johan Kwast.

(–> naar PDF-versie van deze publicatie)

(–> naar Inhoudsopgave 2006-02)

(–> naar Boorn & Boerschop pagina)