Auteur: Jan Kleinman
GEETELING
N’n geeteling is steurig
Bie oons bie ‘t hoes te gast
Wat brökskes brood, n’n keezeköst
Da’s net iets wat hem past.
Met het leefste hef hee pier’n
‘t Is prachtig a j het zeet
Dee trek eh zo meer oet het grös
Hee vangt ze bie de vleet.
Doar steet eh met zien köpke scheef
Hee kan ze schien’t heur’n
En “pats” hee pikt deep in het grös
En piermans is verleur ‘n.
is toch wonderlijk a j zeet
Wat de natuur oons gef
Dat um te etten en te lèèm
Elk deer zien gaven hef
En zeet ze bouwt as paar ‘n nuske
Altied noar un vast patroon
En zee voert met zorg de jongen
Gin meenske zo! het better doon.
De Schepper is een wonder
Heel de natuur löt zeen
Loaw’t astebleef mer nig verpesten
Mer donders…..zunnig d’r op ween.
Jan Kleinman.
Uit de bundel: ‘t Wödt Tied Zo Toovedan !
(–> naar PDF-versie van deze publicatie)
(–> naar Inhoudsopgave 2005-02)
(–> naar Boorn & Boerschop pagina)