Auteur: Jan Kleinman
Het groov ‘moal
Oal’n Will’m harre ’t of’eleg
Will’m har de reis volbrach
’n Mooien lééftied,… zeer’n de leu
Ruum tachtigjoar… dat mag…
Bie de groove heurt ’n groov’moal
Rechtevoort wat hênig an
Breudjes keez’en breudjes scheenk’n
Verse koffie oet de kan
An n’n toafel langs de muur hên
Zatt’n de keender met de moor
Nog wat stille en verdreetig
Preut’n ’n zach met de pastoor
An de toafelkes de kommers
Dee leut’n zie het brood bes smaak’n
Könnigheid bie könnigheid
En mer kwaak’n en mer kwaak’n
De nèève en de nichte
Hadd’n mekaar in lang nig zeen
“God keerl… Herman… hoo geet’
Och Dina… dat is lang eleen”
In de reij’ veurt ’t kondeleer ‘n
Trökk’n ze ’t gezich wier strak
Kuss’n Opoe, dee te kwoad har
Boet’n wier op heer gemak…
“Nó… Hennek… blie j da’koe wier zeen heb
Leuk Trui… lang geleen dit keer
Nó… n’n goeien reis… tot zeens Leu
Tot ’n token groove dan mar weer….
Jan Kleinman.
(–> naar PDF-versie van deze publicatie)
(–> naar Inhoudsopgave 2005-01)
(–> naar Boorn & Boerschop pagina)