Auteur: J. Kleinman
EERPEL GADDERN!
Schreeg in de riej
stoat zekke met eerpel.
Woar nes zich noar n hemmel bug
doar tekent zich hoog
man en peerd of,
Schaarp an de hearfst’ge lucht.
De gadders kroept
krom op de knee
achter de reuimesien an,
nen koorf geet met
in eeren kroepgang,
de rappe haan goat steurig verdan.
Het loof op de heupe
braant röstig,
de rook kreengelt vot oaver t laand.
De bröaderkes poft
in de aske,
woar ze stilan zowat verbraant.
n Groot schoer veugel
geet langs de lucht
zwaaiend en zweankend, in grellig gefladder.
Zo he’k t vaak ezeen
as jungske,
veur t kearmisgeeld, as eerpelgadder!
Jan Kleinman.
(–> naar PDF-versie van deze publicatie)
(–> naar inhoudsopgave 1992-02)
(–> naar Boorn & Boerschop pagina)